വിവാഹമണ്ഡപത്തിൽ തീ പടർന്നു; കൂസാതെ ഭക്ഷണം കഴിച്ച് യുവാക്കൾ; വിഡിയോ

 

വിവാഹമണ്ഡപത്തിൽ തീ ആളിപ്പടരുമ്പോഴും ഭക്ഷണം ആസ്വദിച്ച് കഴിക്കുന്ന അതിഥികളുെട വിഡിയോയാണ് സോഷ്യൽ മീഡിയയിൽ ചർച്ചയാകുന്നത്.. 

ഭക്ഷണമൊരുക്കിയിരിക്കുന്ന മേശയ്ക്ക് പിന്നിലായുള്ള മണ്ഡപത്തിലാണ് തീപിടുത്തം. ഇത് കാര്യമാക്കാതെ രണ്ട് പുരുഷന്മാർ ഭക്ഷണം ആസ്വദിച്ച് കഴിക്കുന്നതും വിഡിയോയിൽ കാണാം. ബഹളങ്ങൾക്കിടയിലും യാതൊന്നും സംഭവിക്കാത്ത വിധമാണ് ഇവർ ഭക്ഷണം കഴിക്കുന്നു.

എന്താണ് സംഭവിക്കുന്നതെന്ന് അറിയാൻ സ്റ്റാഫ് തിരക്കുകൂട്ടുമ്പോഴും അവർ ഭക്ഷണം കഴിച്ചുകൊണ്ടേയിരിക്കുകയാണ്. കസേരയിൽ ഇരുന്ന് തന്നെ പിന്നിലെ തീപിടുത്തം കാണാനും ഭക്ഷണം കഴിക്കുന്നത് തുടരാനും ശ്രമിക്കുന്നു. 

അൻസാരി വിവാഹ മണ്ഡപത്തിൽ ഞായറാഴ്ച വൈകുന്നേരമാണ് പടക്കം പൊട്ടിത്തെറിച്ച് തീ പടർന്നത്.

തീപിടിത്തത്തിൽ ആറ് ഇരുചക്രവാഹനങ്ങളും കസേരകളും അലങ്കാരവസ്തുക്കളും കത്തിനശിച്ചതായി ദേശീയ മാധ്യമങ്ങൾ റിപ്പോർട്ട് ചെയ്തു. താനെ മുനിസിപ്പൽ കോർപ്പറേഷൻ അറിയിച്ചതനുസരിച്ച് തീ അണയ്ക്കാൻ നാല് ഫയർ എഞ്ചിനുകൾ സ്ഥലത്തെത്തിയാണ് വലിയ അപകടം ഒഴിവാക്കിയത്. സംഭവത്തിൽ ആർക്കും പരിക്കുകളില്ല.