തന്റെ പെൺമക്കളെ 35 വയസുകഴിഞ്ഞേ വിവാഹം കഴിപ്പിക്കൂ; കൃഷ്ണ കുമാർ..!!

 കാശ്മീരം എന്ന ചിത്രത്തിൽ കൂടി 1994 ൽ അഭിനയ ലോകത്തിലേക്ക് എത്തിയ ആൾ ആണ് കൃഷ്ണ കുമാർ.

ടെലിവിഷനിൽ ദൂരദർശനിൽ ന്യൂസ് റീഡറായി ആണ് തുടക്കം എങ്കിൽ കൂടിയും അവിടെ നിന്നും ആണ് ജോഷി സംവിധാനം ചെയ്ത സൈന്യം എന്ന ചിത്രത്തിൽ അഭിനയിക്കാൻ അവസരം ലഭിക്കുന്നത്. എന്നാൽ കൃഷ്ണ കുമാർ അഭിനയിച്ച നേവൽ ഓഫീസറുടെ സീനുകൾ പിന്നീട് മാറ്റി എങ്കിൽ കൂടിയും വിക്രത്തിന് വേണ്ടി ആ ചിത്രത്തിൽ ഡബ്ബ് ചെയ്തത് കൃഷ്ണ കുമാർ ആയിരുന്നു.

ജീവിതത്തിൽ ഒട്ടേറെ വിഷമ ഘട്ടങ്ങൾ കൂടി ആണ് താൻ ഇവിടെ വരെ എത്തിയത് എന്ന് കൃഷ്ണ കുമാർ പറയുന്നു. ജീവിക്കാൻ വേണ്ടി ഓട്ടോറിക്ഷ ഓടിച്ചിട്ടുണ്ട് എന്നും അതിൽ അഭിമാനം തോന്നിയിരുന്നു എന്നും കൃഷ്ണ കുമാർ പറയുന്നു. കൃഷ്ണ കുമാറിനേക്കാൾ സുപരിചിതർ ആണ് കൃഷ്ണ കുമാറിന്റെ മക്കൾ. അഹാന കൃഷ്ണ എന്ന മൂത്തയാൾ മലയാളത്തിലെ മികച്ച അഭിനേതാക്കളിൽ ഒരാൾ കൂടി ആണ്.

സിനിമ സീരിയൽ രംഗത്ത് സജീവം ആയ താരം രാഷ്ട്രീയത്തിൽ എൻ ഡി എ അനുഭാവി കൂടിയാണ് കൃഷ്ണ കുമാർ. 2021 നിയമസഭാ തിരഞ്ഞെടുപ്പിൽ നിന്നു തോൽക്കുകയും ചെയ്തു. നാല് പെണ്മക്കൾ ആണ് കൃഷ്ണ കുമാറിന് ഉള്ളത്. ഇവർക്ക് ഒപ്പം വിഡിയോകൾ ചെയ്തും വ്ലോഗ് ചെയ്തുമെല്ലാം സജീവമായി നിൽക്കുന്ന ആൾ കൂടി ആണ് കൃഷ്ണ കുമാർ. ഇപ്പോൾ തന്റെ മക്കളെ 35 വയസിന് ശേഷം വിവാഹം കഴിച്ചാൽ മതി എന്നും വിവാഹിതരായി ഇല്ല എങ്കിൽ കൂടിയും കുഴപ്പമൊന്നുമില്ല എന്നാണ് കൃഷ്ണ കുമാർ പറയുന്നത്.

കൃഷ്ണകുമാർ പറഞ്ഞത്.

”മക്കൾ വിവാഹം കഴിക്കണമെന്ന് നിർബന്ധമുള്ള ലോകമൊന്നുമല്ല ഇന്ന്. കഴിച്ചാലും കുഴപ്പമില്ല. കലാകാരിയായി തുടരാനാണെങ്കിൽ ഒരു പൊസിഷനിലെത്തട്ടെ. 35 വയസൊക്കെയായി വിവാഹം കഴിച്ചാൽ മതി. 25 – 26 വയസുള്ള ഒരു പെണ്കുട്ടി വിവാഹം കഴിച്ചാൽ വിവാഹം കഴിക്കുന്ന പയ്യനും അതേ പ്രായമാകും. പക്വത കുറവായിക്കും. കുടുംബ ജീവിതത്തിൽ താളപ്പിഴകൾ ഉണ്ടാകാനും ഒടുവിൽ കലാ ജീവിതവും കുടുംബജീവിതവും തകരുന്ന അവസ്ഥ വരാനുമിടയാകും.

ഉദാഹരണത്തിന് സിനിമയിൽ നായകന്റെ കൂടെയുള്ള ഒരു സീൻ. ഇത് ഭർത്താവും അവന്റെ കൂട്ടുകാരും കാണുമ്പോൾ നിന്റെ ഭാര്യ ഇന്നലെ സിനിമയിൽ കെട്ടിമറിഞ്ഞ് അഭിനയിക്കുന്നത് കണ്ടു എന്ന് പറഞ്ഞാൽ മനസിൽ ഒരു കരടായി. ഒരു പ്രായം കഴിയുമ്പോൾ ഇത്തരം ചിന്തകളുടെ അപ്പുറത്തുളള ഒരാൾ വരും. അങ്ങനെയാണ് എനിക്ക് തോന്നുന്നത്. നാല് മക്കളും നാല് പ്രായത്തിൽ നിൽക്കുന്നവരാണ്.

മൂത്ത മകൾ അഹാനയ്ക്ക് 25 വയസുണ്ട്. നാലാമത്തെ മകൾ ഹൻസികക്ക് 15 വയസും. അഹാനയും മൂന്നാമത്തെയാളുമാണ് എന്നോട് ഏറ്റവും കൂടുതൽ സംസാരിക്കുന്നത്. മക്കളോട് ഏറ്റവും കൂടുതൽ പറയുന്ന കാര്യം ആളുകളോട് മാന്യമായും സ്‌നേഹത്തോടെയും പെരുമാറണമെന്നാണ്.

പണ്ട് മുതലേ ആളുകൾ ചോദിക്കുന്നത് നാല് പെണ്മക്കളാണല്ലോ എങ്ങനെ വളർത്തുമെന്ന്. പക്ഷേ ഞാൻ അവരുടെ ഓരോ വളർച്ചയും നന്നായി ആസ്വദിച്ചയാളാണ്. ഞാൻ ഉണ്ടാക്കുന്ന വരുമാനത്തിന്റെ ഇരട്ടിയാണ് ഇന്ന് അവർ നാല് പേരും ഉണ്ടാക്കുന്നത്. ചോദിക്കാതെ തന്നെ അവർ ഇടയ്ക്ക് എന്റെ അക്കൗണ്ടിലേക്ക് പണം ഇട്ടുതരാറുണ്ട്. – കൃഷ്ണ കുമാർ പറയുന്നു.