കാണാതായ ഗൃഹനാഥനെ കടല്‍ത്തീരത്ത് മരിച്ച നിലയില്‍ കണ്ടെത്തി

അമ്ബലപ്പുഴ: വീട്ടില്‍ നിന്നും കാണാതായ ഗൃഹനാഥനെ കടല്‍ത്തീരത്ത് മരിച്ച നിലയില്‍ കണ്ടെത്തി. അമ്ബലപ്പുഴ തെക്ക് ഗ്രാമ പഞ്ചായത്ത് കാക്കാഴം തോട്ടുവേലിയില്‍ നടേശനെ(48)യാണ് കടല്‍തീരത്ത് മരിച്ച നിലയില്‍ കണ്ടെത്തിയത്.വ്യാഴാഴ്ച മുതല്‍ ഇദ്ദേഹത്തെ കാണാനില്ലായിരുന്നു. 

തുടര്‍ന്ന്, വീട്ടുകാരുടെ പരാതിയില്‍ പൊലീസ് കേസെടുത്ത് അന്വേഷണം നടത്തുകയായിരുന്നു. ഇതിനിടെ, ഇന്നലെ പുലര്‍ച്ചെ പുറക്കാട് കടല്‍ തീരത്ത് നിന്ന് മത്സ്യതൊഴിലാളികളാണ് മൃതദേഹം കണ്ടത്.

വിഷം ഉള്ളില്‍ ചെന്ന് മരിച്ചതാണെന്നാണ് പ്രാഥമിക നിഗമനം. ആത്മഹത്യയാണെന്നാണ് സൂചന. ഭാര്യ സന്ധ്യ. മകള്‍ പാര്‍വ്വതി.

Tags man missing found dead

shortlink