പമ്ബാനദിയില്‍ ചാടിയ യുവാവിനെ വിമുക്തഭടന്‍ രക്ഷപ്പെടുത്തി

ചെങ്ങന്നൂര്‍: കല്ലിശ്ശേരി ഇറപ്പുഴ പാലത്തില്‍ നിന്ന് പമ്ബാ നദിയിലേക്ക് ചാടിയ യുവാവിനെ വിമുക്ത ഭടന്‍ രഷപ്പെടുത്തിഅടൂര്‍ പെരിങ്ങിനാട് മുണ്ടപ്പളളി റോബിന്‍ വില്ലയില്‍ റോബിന്‍രാജ് (26) ആണ് നദിയില്‍ ചാടിയത്. 

ഇന്നലെ രാവിലെ 10നാണ് സംഭവം. ഈ സമയം ഇറപ്പുഴ പാലത്തിന് സമീപമുണ്ടായിരുന്ന പുന്തല പൈക്കാട്ട് വീട്ടില്‍ പി.കെ ആരുണ്‍ പാലത്തില്‍ നിന്ന് നദിയിലേക്ക് ചാടി റോബിനെ രക്ഷിച്ച്‌ കരയ്ക്കെത്തിച്ചു. ഇയാളെ ഫയ‌ര്‍ഫോഴ്സ് സംഘമെത്തി ആശുപത്രിയില്‍ പ്രവേശിപ്പിച്ചു. ജോലികിട്ടാത്തതിലുളള മനോവിഷമമാണ് ആത്മഹത്യാ ശ്രമത്തിന് പിന്നിലെന്ന് റോബിന്‍ പറഞ്ഞു.വെണ്മണി പഞ്ചായത്ത് ഒന്‍പതാം വാര്‍ഡ് അംഗം സുര്യ ആരുണിന്റെ ഭര്‍ത്താവായ അരുണ്‍ (സന്തോഷ് ) നേരത്തെ പുന്തലത്താഴം ക്ഷേത്രക്കുളത്തില്‍ വീണ കാറിലുണ്ടായിരുന്നവരെ രക്ഷപ്പെടുത്തിയിരുന്നു.