ഗാസിയാബാദ്: സെക്‌സ് ചാറ്റുകളുടെ ചിത്രങ്ങളും വീഡിയോകളും ഉപയോഗിച്ച്‌ ബിസിനസുകാരെ ബ്ലാക്ക് മെയില്‍ ചെയ്യുകയും കോടികള്‍ തട്ടിയെടുക്കുകയും ചെയ്ത സംഘം പിടിയില്‍.രാജ് നഗര്‍ എക്സ്റ്റന്‍ഷനിലെ ഒരു ഫ്ലാറ്റില്‍ നിന്നാണ് അഞ്ചംഗസംഘത്തെ പിടികൂടിയത്.
വെള്ളിയാഴ്ചയാണ് അറസ്റ്റ് നടന്നതെന്ന് സിറ്റി പോലീസ് സൂപ്രണ്ട് നിപുണ്‍ അഗര്‍വാളിനെ ഉദ്ധരിച്ച്‌ എഎന്‍ഐ റിപ്പോര്‍ട്ട് ചെയ്തു. പ്രതികളുടെ എട്ട് ബാങ്ക് അക്കൗണ്ടുകളും പിടിച്ചെടുത്തിട്ടുണ്ടെന്ന് പോലീസ് ഉദ്യോഗസ്ഥന്‍ പറഞ്ഞു.
രണ്ട് വര്‍ഷത്തിനിടെ ഇരുന്നൂറോളം പേരെ ലക്ഷ്യമിട്ട് സംഘം 22 കോടി രൂപ തട്ടിയെടുത്തതായി പോലീസ് പറഞ്ഞു. 25,000 രൂപ പ്രതിമാസ ശമ്ബളത്തിനും തട്ടിയെടുക്കുന്ന പണത്തിന്റെ വിഹിതം വാഗ്ദാനം ചെയ്തും മൂന്ന് സ്ത്രീകളെ നിയമിച്ചാണ് സംഘം പ്രവര്‍ത്തിച്ചിരുന്നത്‌.
കുറച്ച്‌ ദിവസങ്ങള്‍ക്ക് മുമ്ബ് മുംബൈയില്‍ സെക്‌സ് ടൂറിസം റാക്കറ്റിനെ പോലീസ് പിടികൂടുകയും രണ്ട് പേരെ അറസ്റ്റ് ചെയ്യുകയും ചെയ്തിരുന്നു. അപകടത്തില്‍പ്പെട്ട രണ്ട് പേരെയും ഇവര്‍ രക്ഷപ്പെടുത്തി.
ഒരു സ്ത്രീ ഭര്‍ത്താവിനൊപ്പം ചേര്‍ന്ന്‌ സെക്‌സ് ടൂറിസം റാക്കറ്റ് നടത്തുന്നതായി സൂചന ലഭിച്ചതിനെ തുടര്‍ന്നാണ് മുംബൈ വിമാനത്താവളത്തില്‍ പോലീസ് ഉദ്യോഗസ്ഥര്‍ ഉപഭോക്താക്കള്‍ എന്ന നിലയില്‍ കെണിയൊരുക്കി പ്രതികളെ പിടികൂടിയത്.
ഇമ്മോറല്‍ ട്രാഫിക് (പ്രിവന്‍ഷന്‍) ആക്‌ട് പ്രകാരമാണ്‌ യുവതിയെ പോലീസ് അറസ്റ്റ് ചെയ്തത്. സിഐഎസ്‌എഫിന്റെയും എയര്‍പോര്‍ട്ട് പൊലീസിന്റെയും സഹായത്തോടെയാണ് മുഖ്യപ്രതിയെ പിടികൂടിയത്.
0 Comments