പാടാത്ത പൈങ്കിളിയിലെ അവന്തികയെ അറിയില്ലേ? വളരെ പെട്ടെന്നാണ് അവന്തിക എന്ന കഥാപാത്രം പ്രേക്ഷക മനസ്സിൽ ചേക്കേറിയത്. നടി ഐശ്വര്യ ദേവിയാണ് അവന്തികയായി എത്തിയത്.
വളരെ വലിയൊരു പ്രേക്ഷക സ്വീകാര്യത ആയിരുന്നു ഈ പരമ്പരയിലൂടെ അവന്തിക എന്ന കഥാപാത്രത്തിനും ഐശ്വര്യക്കും ലഭിച്ചത്. സീരിയലിനു അകത്തും സീരിയലിനു പുറത്തും നിരവധി ആരാധകരാണ് ഐശ്വര്യക്കുള്ളത്. പാടാത്ത പൈങ്കിളിയിൽ നായിക കണ്മണിയാണ്. പരമ്പരയിൽ ദേവ-കണ്മണി ജോഡിയെപ്പോലെ തന്നെ പ്രേക്ഷകർക്ക് ഇഷ്ട പ്രണയജോഡിയാണ് ഭരത്- അവന്തിക. ശ്രീക്കുട്ടി എന്നും താരത്തിനെ വിളിക്കാറുണ്ട്. താരത്തിന്റെ സഹോദരൻ വിഷ്ണുവും കലാരംഗത്ത് തന്നെ സജീവമാണ്. തിരുവനന്തപുരത്ത് വെഞ്ഞാറമൂടാണ് താരത്തിന്റെ വീട്.
സീരിയലുകളിലെ പോലെ തന്നെ സോഷ്യൽ മീഡിയയിലും വളരെയേറെ സജീവമാണ് താരം. തന്റെ ജീവിതത്തിലെ പുത്തൻ വിശേഷങ്ങളെല്ലാം ആരാധകരുമായി പങ്കുവെക്കാൻ താരം മറക്കാറില്ല. താരത്തിന്റെ പുത്തൻ ചിത്രങ്ങളും വീഡിയോകളുമെല്ലാം ആരാധകർ ഏറ്റെടുക്കാറുണ്ട്. താരത്തിന്റെ വിവാഹമായിരുന്നു കുടുംബ പ്രേക്ഷകർ ആഘോഷിച്ചത്. വിവാഹ ചിത്രങ്ങളും വിവാഹ വീഡിയോകളും വളരെ പെട്ടെന്നാണ് വൈറൽ ആയി മാറിയത്. ഏപ്രിൽ 17 ന് ആയിരുന്നു ഐശ്വര്യയുടെ വിവാഹം. സിദ്ധാർഥ് ആണ് ഐശ്വര്യയുടെ ഭർത്താവ്. ഒമാനിലാണ് സിദ്ധാർഥ് ജോലി ചെയ്യുന്നത്. ഇവരുടെ സേവ് ദ് ഡേറ്റ് വീഡിയോ എല്ലാം ശ്രദ്ധ നേടിയിരുന്നു. സീരിയൽ രംഗത്തെ തരങ്ങളെല്ലാം താരത്തിന്റെ വിവാഹത്തിനെത്തി.
വിവാഹ ശേഷം ഐശ്വര്യ കൂട്ടുകാരികളുടെ കൂടെ ഡാൻസ് ചെയ്തതും വൈറൽ ആയി. വിവാഹത്തിന് അതീവ സുന്ദരിയായാണ് താരം എത്തിയത്. നിറയെ ആഭരണങ്ങളും മുല്ലപ്പൂവും ചൂടി മലയാള തനിമയിൽ ആയിരുന്നു താരം എത്തിയത്. നിരവധി താരങ്ങൾ ഇവർക്ക് ആശംസകളുമായി എത്തി.മൂന്നാം വയസിലാണ് ഐശ്വര്യ ദേവി സൂര്യകാന്തി എന്ന സീരിയലിൽ അഭിനയിച്ചുകൊണ്ട് മിനിസ്‌ക്രീനിൽ കാലെടുത്തു വെച്ചത്. പിന്നീട് ജ്വാലയായ് എന്ന സീരിയലിൽ അഭിനയിച്ചു. ഈ സീരിയലിൽ മികച്ച ബാലതാരത്തിനുള്ള അവാർഡ് താരം സ്വന്തമാക്കി. അലകൾ, മരുഭൂമിയിൽ പൂക്കാലം, ചന്ദ്രോദയം തുടങ്ങി നിരവധി സീരിയലുകളിൽ താരം അഭിനയിച്ചിട്ടുണ്ട്.
ഒരു ഇടവേള എടുത്തതിനു ശേഷം ഭാഗ്യലക്ഷ്മി എന്ന പരമ്പരയിലൂടെ ഐശ്വര്യ തിരിച്ചു വരികയായിരുന്നു. നാമം ജപിക്കുന്ന വീട്, തിങ്കൾക്കലമാൻ, അനുരാഗം തുടങ്ങിയ സീരിയലുകളിലും താരം അഭിനയിച്ചു. ഇപ്പോഴിതാ താരത്തിന്റെ ചില പഴയ ചിത്രങ്ങളാണ് സോഷ്യൽ മീഡിയയിൽ വൈറൽ ആയിരിക്കുന്നത്. താരത്തിന്റെ ബാല്യ കാല ചിത്രങ്ങളാണ് ഇപ്പോൾ സോഷ്യൽ മീഡിയയിൽ നിറഞ്ഞിരിക്കുന്നത്. അതും താരം അഭിനയിച്ച സീരിയലുകളിലെ ചിത്രങ്ങൾ. ഈ കുട്ടിത്താരത്തെ കണ്ട് അത്ഭുതപ്പെട്ടിരിക്കുകയാണ് ആരാധകർ. ജ്വാലയായ് സീരിയലിലെ തന്റെ പഴയ കാല ചിത്രങ്ങൾ താരം തന്നെ ഇൻസ്റ്റഗ്രാമിൽ പങ്കുവെച്ചിരിക്കുകയാണ്. ആ കുട്ടി താരം ഐശ്വര്യ ദേവി ആയിരുന്നോ എന്ന് അത്ഭുതപ്പെട്ട് ചോദിക്കുകയാണ് ഇപ്പോൾ ആരാധകർ.
0 Comments