ഇന്ത്യന്‍ മിനിസ്ക്രീന്‍ പ്രേക്ഷകരുടെ പ്രിയപ്പെട്ട റിയാലിറ്റി ഷോയാണ് ബിഗ് ബോസ്. ഹിന്ദിയില്‍ ആണ് ആദ്യം ബിഗ് ബോസ് ഷോ ആരംഭിക്കുന്നത്.
വന്‍ വിജയമായതിനെ തുടര്‍ന്ന് മറ്റ് തെന്നിന്ത്യന്‍ ഭാഷകളിലേയ്ക്ക് കൂടി ആരംഭിച്ചു. 2018 ലാണ് മലയാളത്തില്‍ ബിഗ് ബോസ് ആരംഭിക്കുന്നത്.
മോഹന്‍ലാല്‍ അവതാരകനായി എത്തിയ ഷോ വന്‍ വിജയമായിരുന്നു. പിന്നീട് 2020 രണ്ടാം സീസണും 2021 ല്‍ മൂന്നാം സീസണും തുടങ്ങുകയായിരുന്നു . എന്നാല്‍ കൊവിഡ് പ്രതിസന്ധിയെ തുടര്‍ന്ന് രണ്ട് സീസണുകളും പകുതിയില്‍ നിര്‍ത്തി വെച്ചു.
കൊവിഡ് നിയന്ത്രണങ്ങള്‍ പാലിച്ചായിരുന്നു ബിഗ് ബോസ് സീസണ്‍ മൂന്ന് ആരംഭിച്ചത്. 14 ദിവസത്തെ ക്വാറന്റൈന് ശേഷമായിരുന്നു ഫെബ്രുവരി 14 ന് മത്സരാര്‍ഥികള്‍ ഹൗസിലെത്തിയത്. എന്നാല്‍ ലോക്ക് ഡൗണ്‍ പ്രതിസന്ധി രൂക്ഷമായപ്പോള്‍ ഷോ ഉപേക്ഷിക്കുകയായിരുന്നു. 95ാം ദിവസമാണ് മത്സരം നിര്‍ത്തി വെച്ചു. പിന്നീട് വോട്ടിങ്ങിലൂടെ മണിക്കുട്ടനെ വിജയിയായി തിരഞെടുക്കുകയും ചെയ്തു. ബിഗ് ബോസ്സ് മൂന്നാം സീസണ്‍ അവസാനിച്ചതിന് പിന്നാലെ സീസണ്‍ 4 നെ കുറിച്ചുള്ള ചര്‍ച്ചയും സോഷ്യല്‍ മീഡിയയില്‍ നടന്നിരുന്നു.
ബിഗ് ബോസ്സ് സീസണ്‍4 ന്റെ പ്രഡിക്ഷന്‍ ലിസ്റ്റും ഇതിനോടകം തന്നെ സോഷ്യല്‍ മീഡിയയില്‍ നിറയുന്നുണ്ട്. ഇപ്പോഴിതാ ബിഗ് ബോസ്സ് വാര്‍ത്തകള്‍ യഥാസമയം പ്രേക്ഷകരിലേക്ക് എത്തിക്കുന്ന ഒരു യൂട്യൂബ് ചാനല്‍ സീസണ്‍4 ന്റെ പ്രഡിക്ഷന്‍ ലിസ്റ്റ് പുറത്ത് വിട്ടിരിക്കുകയാണ്.
പല മേഖലകളില്‍ നിന്നാണ് മത്സരാത്ഥികളെ ഷോയിലേക്ക് തിരഞ്ഞെടുക്കുന്നത്. ഫിലിം,ടിവിയില്‍ നിന്നാണ് ഏറ്റവും കൂടുതല്‍ മത്സരാര്‍ത്ഥികള്‍ ബിഗ് ബോസ്സില്‍ എത്തിയത്. മലയാളത്തില്‍ ഇതുവരെ സാധാരണക്കാര്‍ പങ്കെടുത്തിട്ടില്ല. ഹിന്ദിയിലും വരെ റെയര്‍ ആയിട്ട് മാത്രമാണ് സാധാരണക്കാരെ എടുത്തിട്ടുള്ളു.. ഹിന്ദിയില്‍ പൊളിറ്റിക്‌സില്‍ നിന്ന് ആളുകള്‍ മത്സരിക്കാന്‍ എത്തിയിട്ടുണ്ട്. മലയാളത്തില്‍ അത് പ്രതീക്ഷിക്കാമെന്നാണ് വീഡിയോയില്‍ പറയുന്നത്.
ബിഗ് ബോസ്സ് മേക്കേഴ്‌സ് ആണ് മത്സരാര്‍ത്ഥികളെ തിരഞ്ഞെടുക്കുന്നത്. പ്രഡിക്ഷന്‍ ലിസ്റ്റ് ഇടാന്‍ മാത്രമേ നമുക്ക് സാധിക്കുകയുള്ളു. അവരാണ് എല്ലാ കാര്യങ്ങളും തീരുമാനിക്കുന്നത്. എല്ലാം വളരെ രഹസ്യമായിരിക്കും. അറിയപ്പെടുന്നതും അറിയപ്പെടാറ്റാത്തതുമായ വ്യക്തികള്‍ ഇത്തവണ മത്സരിക്കാന്‍ എത്തുമെന്നാണ് വീഡിയോയില്‍ രേവതി പറയുന്നത്. എന്നാല്‍ നമ്മുടെ മസ്സില്‍ ഇടം പറ്റുന്നവരായിരിക്കും കിരീടവുമായി പോവുക. സാധ്യത ലിസ്റ്റിന്‍ 15 പേരെയാണ് രേവതി പറയുന്നത്.
15 പേരെ ആരൊക്കെയാണെന്ന് നോക്കാം
സന്തോഷ് പണ്ഡിറ്റ്.. ഇപ്പോള്‍ സോഷ്യല്‍ മീഡിയയിലും അല്ലാതെയുമായി സന്തോഷ് പണ്ഡിറ്റ് ആണ് തിളങ്ങിനില്‍ക്കുന്നത്. സ്റ്റാര്‍ മാജിക്കിലൂടെയാണ് വിവാദ താരമായി അദ്ദേഹം മാറിയത്.
ഇന്‍ഫ്ലുവെന്‍സര്‍ എന്ന കാറ്റഗറിയില്‍ വാവസുരേഷ് ഇത്തവണ മത്സരാര്‍ത്ഥിയായി എത്താന്‍ ചാന്‍സ് ഉണ്ടെന്നും വീഡിയോയില്‍ പറയുന്നു.
ആക്ടര്‍ മോഡലുമായ ജിയ ഇറാനി ഇത്തവണ എത്തും . റിതുവിനെ അറിയുന്ന ആരാധകര്‍ക്കെല്ലാം സുപരിചിതമായ പേരാണ് ജിയ ഇറാനി. താനും റിതുവും പ്രണയത്തിലാണെന്ന് നേരത്തെ ജിയ ഇറാനി സോഷ്യല്‍ മീഡിയയിലൂടെ വ്യക്തമാക്കിയിരുന്നു. എന്നാല്‍ ബിഗ് ബോസ് ഷോ അവസാനിച്ചതിന് പിന്നാലെ ഇരുവര്‍ക്കുമിടയിലെ ബന്ധത്തില്‍ വിള്ളലുകള്‍ വീഴുകയായിരുന്നു. അതോടെയാണ് ജിയാ വാര്‍ത്തകളില്‍ നിറഞ്ഞത്.
ശ്രീലക്ഷി അറക്കലിന്റെ പേരാണ് പിന്നീട് ഉയര്‍ന്ന് കേള്‍ക്കുന്നത്. ടിക് ടോക്കിലൂടെ പ്രേക്ഷകര്‍ ശ്രദ്ധ നേടിയ അഖില്‍ ദീര്‍ഘ കാലമായി ടെലിവിഷന്‍ പരമ്ബരകളിലൂടെ തിളങ്ങി നില്‍ക്കുന്ന അനീഷ് രവി എന്ന നടന്റെ പേരും ഉയര്‍ന്ന് കേള്‍ക്കുന്നുണ്ട്.
ലക്ഷിമിപ്രിയ, കൊല്ലം സുധി, ബിനു അടിമാലി, നെല്‍സണ്‍, ലിന്റോ റോണി, ചക്കപ്പഴം ഫെയിം ശ്രുതി രജനീകാന്ത്,സുബി സുരേഷ്, നടന്‍ വിനോദ് കോവൂര്‍, അനാര്‍ക്കലി മരക്കാര്‍, രാജേഷ് ഹെബ്ബാര്‍, റിയാസ് ഖാന്‍ എന്നിവരുടെ പേരും ഉയര്‍ന്ന് കേള്‍ക്കുന്നുണ്ട്.
ഈ പറഞ്ഞവരില്‍ ടോപ് 10 വരെ സാധ്യതയുണ്ടെന്ന് പ്രതീക്ഷിക്കാമെന്നാണ് വീഡിയോയില്‍ രേവതി പറയുന്നത്. വരുമോ ഇല്ലയോ എന്ന് കാത്തിരുന്ന് കാണാം....
0 Comments