തൃശൂര്‍: ഇന്നലെ 13 കാരിയായ പെണ്‍കുട്ടിയെ കാണാതായ വാര്‍ത്ത സോഷ്യല്‍ മീഡിയയില്‍ വൈറലായിരുന്നു.
നിരവധി പേരാണ് കുട്ടിക്കായി പോസ്റ്റുകള്‍ ഇട്ടത്. കുട്ടി തൃപ്പയാര്‍ ഉള്ള ഒരു കടയില്‍ നിന്ന് വസ്ത്രങ്ങള്‍ വാങ്ങുന്നതിന്റെ സിസിടിവി ദൃശ്യങ്ങളും വ്യാപകമായി പ്രചരിച്ചിരുന്നു. ഇതോടെ കുട്ടി 'പര്‍ദ്ദ' വാങ്ങാന്‍ കടയില്‍ കയറി എന്നും പ്രചാരണമുണ്ടായി. എന്നാല്‍ കറുത്ത ജായ്ക്കറ്റ് ആണ് കുട്ടി വാങ്ങിയതെന്നാണ് നിഗമനം.
ഇത് ധരിച്ചാണ് കുട്ടിയെ കണ്ടെത്തിയതും. ഇത് വാങ്ങിയ ശേഷം കുട്ടി ഗുരുവായൂരിലേക്കാണ് പോയതെന്നാണ് കണ്ടെത്തിയത്. തുടര്‍ന്ന് വലപ്പാട് എസ്‌ഐ മനോജ് കുമാറിന്റെ നേതൃത്വത്തില്‍ നടന്ന ഊര്‍ജിതമായ അന്വേഷണത്തിലാണ് കുട്ടിയെ ഗുരുവായൂരില്‍ നിന്ന് കണ്ടെത്തിയത്. ഇനി കുട്ടിയെ കാണാനില്ല എന്ന കുറിപ്പ് ആരും ഷെയര്‍ ചെയ്യരുതെന്നും അധികൃതര്‍ വ്യക്തമാക്കി.
0 Comments