പാര്‍ട്ടിയുമായി പിണങ്ങിനില്‍ക്കുന്ന എ.വി ഗോപിനാഥിനെ പോലുള്ളവരെ തിരികെ കോണ്‍ഗ്രസിലേക്ക് കൊണ്ട് വരണമെന്ന ആവശ്യവുമായി മുതിര്‍ന്ന നേതാവ് പത്മജ വേണുഗോപാല്‍ രംഗത്ത് എത്തിയിരിക്കുകയാണ്.ഫേസ്ബുക്ക് പോസ്റ്റിലൂടെയാണ് ഈ ആവശ്യം ഉന്നയിച്ചിരിക്കുന്നത്.
ഗോപിനാഥിന്റെ കഴിവ് നേരിട്ടു കണ്ടിട്ടുള്ള ഒരാളാണ് താനെന്ന് ഉദാഹരണ സഹിതം പത്മജ കുറിപ്പില്‍ വ്യക്തമാക്കുകയാണ്. ഗോപിനാഥിനെ ശക്തമായി ന്യായീകരിക്കാനും ഇതിലൂടെ ശ്രമിക്കുന്നുണ്ട്.
ഫേസ്ബുക്ക് പോസ്റ്റിന്റെ പൂര്‍ണരൂപം:
എ.വി ഗോപിനാഥിനെ പോലുള്ളവരെ തിരിച്ചു കോണ്‍ഗ്രസിലേക്ക് കൊണ്ട് വരണം. ഗോപിനാഥിന്റെ കഴിവ് നേരിട്ടു കണ്ടിട്ടുള്ള ഒരാളാണ് ഞാന്‍. ഒരിക്കല്‍ രാമനിലയത്തില്‍ വെച്ച്‌ അച്ഛന്‍ ഒരു കാര്യം ഗോപിനാഥിനെ ഏല്‍പ്പിക്കുന്നത് ഞാന്‍ കണ്ടു. എനിക്കു കേട്ടപ്പോള്‍ അസാദ്യം എന്ന് തോന്നിയ ഒരു കാര്യം.
ഞാന്‍ അത് ചെയ്തിട്ടേ ഇനി ലീഡറുടെ മുന്‍പില്‍ വരൂ എന്ന് പറഞ്ഞു.. അതു പോലെ തന്നെ സംഭവിച്ചു. ഞാന്‍ അത്ഭുതപ്പെട്ടു പോയി. അങ്ങിനെയുള്ള നേതാക്കളെ മാറ്റി നിര്‍ത്തിയതാണ് നമുക്ക് ഇന്ന് സംഭവിച്ചിരിക്കുന്ന തകര്‍ച്ച .ഇങ്ങനെയുള്ളവരെ മുന്നിലേക്ക് കൊണ്ട് വരണം.
0 Comments