വാഷിങ്ടണ്‍: അമേരിക്കയെ ഞെട്ടിച്ച്‌ സിനിമാ സെറ്റില്‍ കൊലപാതകം. റസ്റ്റ് എന്ന സിനിമയുടെ ഷൂട്ടിങ്ങിനിടെയാണ് നായകന്‍ അലേക്ക്ബാഡ്‍വിന്റെ വെടിയേറ്റ് ഛായാഗ്രാഹക കൊല്ലപ്പെട്ടത്.ത്രില്ലര്‍ ചിത്രം റസ്റ്റിന്റെ പ്രമേയം തന്നെ ഒരു അപ്രതീക്ഷിത കൊലപാതകത്തെ കുറിച്ചാണ്. ഷൂട്ടിംഗ് നടക്കുന്നതിനിടെ അതേ ദുരന്തം സെറ്റില്‍ ആവര്‍ത്തിക്കുന്നു.
സിനിമാ കഥയേക്കാള്‍ അവിശ്വസനീയമെന്ന് തോന്നിപ്പോകും. ചിത്രീകരണത്തിനിടെ നായകന്‍ അലേക് ബാഡ്‍വിന്‍ വെടിയുതിര്‍ക്കുന്നു, ഛായാഗ്രാഹക ഹലിന ഹച്ചിനസിനും സംവിധായകന്‍ ജോയല്‍ സൂസയ്ക്കും പരിക്കേല്‍ക്കുന്നു.
ഹെലികോപ്റ്ററിന്റെ അടിയന്തര സഹായം തേടി ഹലീനയെ ആശുപത്രിയിലേക്ക് മാറ്റുന്നു, എന്നാല്‍ ജീവന്‍ രക്ഷിക്കാനായില്ല. ചിത്രീകരണത്തിനായി എത്തിച്ച തോക്കില്‍ എങ്ങനെ യഥാര്‍ത്ഥ ബുള്ളറ്റ് വന്നു എന്നത് ദുരൂഹമായി തുടരുകയാണ്.
സംഭവത്തില്‍ അലേക് ബാഡ‍വിനെ പൊലീസ് ചോദ്യംചെയ്തു. എന്നാല്‍ കേസ് എടുത്തിട്ടില്ല. കൊലപാതക കാരണത്തെ കുറിച്ച്‌ വ്യക്തമായ ഒരു സൂചനയും പൊലീസിന് ഇതുവരെയില്ല. പക്ഷേ സിനിമാ സെറ്റിലെ കൊലപാതകത്തിന്റെ ഞെട്ടലിലാണ് ആരാധകരും സഹപ്രവര്‍ത്തകരും.
0 Comments